Kurbani Ki Dua Ka Taaruf
Allah Subhanu Tala ne hum Musalmano par do Eid aata farmaye hain: ek Eid-ul-Fitr, jisse mithi Eid ke naam se jaante hain, aur Eid-ul-Adha, jisse Bakra Eid ke naam se jaante hain. Bakra Eid ek bahut hi aham Eid hai, kyunki is din Allah Tala ke hukum ke mutabiq bohot se Musalman Allah ki raah mein janwar qurbani dete hain, jisse Allah Tala ne qurbani karne ka hukum diya hai. Bakra Eid jo ki Bakra Eid ke din aur uske agle 3 dinon tak manaya jaata hai, in 4 dinon mein sabse behtar amal hai qurbani karna. Kurbani Ki Dua bhi Allah Subhanu Tala ne khas kisam ki batai hai, jisse padh kar janwar ko Allah ke liye qurbani kiya jaaye.
Qurbani Ki Tarikh
Qurbani ki tarikh Islamic calendar ke hisaab se qurbani ka ek mahina hota hai, jisse Zil-Hijjah ke naam se jaana jaata hai. Bakra Eid ki jo tarikh hoti hai wo 10 Zil-Hijjah ko manayi jaati hai. Agar koi shakhs 10 Zil-Hijjah ki qurbani na kar paaye, to wo 11 Zil-Hijjah, 12 Zil-Hijjah, 13 Zil-Hijjah ko bhi qurbani kar sakta hai.
Qurbani Ki Dua Aur Uska Meaning
Qurbani Ki Dua:
“Bismillah Allahu Akbar, Allahumma Minka Wa Laka, Haza Anni (or An) Fulan (mention the name of the person)”
Tarjuma:
“Allah ke naam se, Allah sab se bara hai. Aye Allah, yeh tujh se hai aur tere liye hai. Yeh meri taraf se hai (ya us shakhs ka naam lo jis ki taraf se qurbani kar rahe hain).”
Qurbani Aur Sunnat: Kya Hai Riwaaj
Qurbani Hazrat Ibrahim Alehi Salam ki Sunnat hai. Allah Subhanu Tala ne Hazrat Ibrahim Alehi Salam ki azmaish ke liye, Allah Subhanu Tala ne Hazrat Ibrahim Alehi Salam ko unke bete Ismail Alehi Salam ki qurbani ke liye kaha tha. To Ibrahim Alehi Salam Allah ke hukum par apne bete Ismail Alehi Salam ko qurbani karne ke liye tayar ho gaye. Unhone Allah ke naam par apne bete Hazrat Ismail Alehi Salam ko qurbani kar hi rahe the, to Allah Subhanu Tala ne Ismail Alehi Salam ki jagah ek dhamme ko rakh diya. Is baat se ye pata chalta hai ki Allah Subhanu Tala kitne Ghafoor-ur-Raheem hain. To us din se sabhi Musalmano par qurbani farz ho gayi jo qurbani karne ki istataat rakhta hai.
Kurbani Ki Fazilat Aur Barakat
Qurbani ki fazilat kai sari hai, jaise qurbani humein is baat ka ehsas dilata hai ki humein Allah ke hukum ke aage apna sar jhuka kar unki sari hukum ko maanna chahiye. Aur Allah ki raza ke liye apni pyari cheezon ko bhi Allah Subhanu Tala ke liye qurbani karne ke liye tayar rahna chahiye. Lekin iska matlab ye hargiz nahi ki humein sirf sacrifice karni hoti hai; Allah humein azmata hai aur agar hum us azmaish ko paar kar lete hain to Allah Tala uska ajar bhi bahut deta hai kyunki Allah Tala bohot be-niyaaz aur Ghafoor-ur-Raheem hain. Bakra Eid ke din Musalmano ke liye ibadat, shukarguzari aur gareebon mein aur zarurat wale logon ko gosht taqseem karne ka moka deta hai. Qurbani ka amal sabr aur khulus ko mazid mazboot karta hai. Qurbani ka gosht 3 hisso mein baatna chahiye: 1 hissa ghar mein rakhne ke liye, 1 hissa gareebon mein baatne ke liye aur 1 hissa rishtedaron mein dena chahiye. Qurbani ka gosht barabar baatna chahiye.
Conclusion
Eid-ul-Adha ya Bakra Eid hamare liye ek aham din hai jo Allah ke hukum aur Hazrat Ibrahim Alehi Salam ki Sunnat ko yaad dilata hai. Is din ki fazilat humein Allah ki itaat aur unki raza ke liye apni pyari cheezon ko qurbani karne ka jazba sikhlati hai. Qurbani ka amal na sirf ibadat hai balki gareebon aur zaruratmandon ke saath khushi aur reham ka izhar bhi hai. Is din ka asal maqsad Allah ke hukum ko maanna, shukar guzar hona, aur apne dil ko mazid imaan se roshan karna hai. Islamic Jankari ke mutabiq, Eid-ul-Adha ka yeh jazba aur qurbani ka amal humare imaan aur insaniyat ki bulandi ka zariya hai.
